Evento: Juan Puchades Quilis. Modelando vidas.

Juan Puchades Quilis, escultor e docente afincado en Mondoñado, traballa a madeira, o bronce, a pedra e o ferro; e as súas obras foron expostas en Oviedo (1966), Mondoñedo e Guitiriz (1973), Vigo (1977), Suíza (1978), A Coruña (1980), Lugo (1980 e 1988), Francia (1984). Tamén ten unha obra na exposición permanente do Museo Provincial de Lugo e en distintas coleccións públicas e privadas de España, Suíza, Portugal, Francia ou Arxentina. Ademais, obtivo diferentes galardóns: primeiro premio Mestre Mateo (Santiago de Compostela,1971), primeiro premio Concurso-Exposición de Arte (Concello de Segorbe, Castellón, 1974), primeiro premio no Concurso-Exposición Bimilenario de Lugo (1976) e o primeiro premio na III Bienal de Escultura de Sarria (Lugo, 1977).