Evento: Caxade

Caxade continúan coa xira do seu segundo traballo de estudio e terceiro da súa discografía, tendo en conta o DVD/CD gravado en directo coa Banda de Música da Bandeira. A canción E isto é o Amor é unha letra de Séchu Sende que Alonso Caxade musicou.

Un directo poderoso e envolvente que gusta por igual ao público “indie” e ao “folkie” e que non deixa a ninguén indiferente. A consolidación dun son e dunha voz que insufla aires pop na música tradicional galega. Para o 2018 inclúe a posibilidade de engadir á posta en escena unha escenografía e un atrezzo moi especiais, os elaborados por Leandro Lamas, coa súa particular estética, para o videoclip da canción que lle dá título ao disco, E isto é o amor.