Convocado pola  DAG, Asociación Galega de Deseño, o Foro de Edición e Deseño, FEED 2017, celebra a súa cuarta edición. O Foro reunirá en Santiago de Compostela un grupo heteroxéneo de profesionais, con facetas moi distintas, para ofrecer ao longo de dous días unha panorámica o máis diversa posible do traballo do deseñador: diferentes ámbitos de especialización do deseño, diferentes metodoloxías de traballo, de organización, de relación...

Temas como o visual thinking, a introdución do deseño entre os nenos, o deseño e a cultura ou as tipografías serán algúns dos temas que encherán a axenda. Será no DIDAC - DARDO Instituto do Deseño e das Artes Contemporáneas e no CGAC.