Evento: Micro Impactos

Micro Impactos é unha obra que afonda na interrelación entre a danza contemporánea, o live cinema e a experimentación sonora, para xerar un código relacional propio a partir da combinación entre as tres disciplinas artísticas e a confrontación entre os conceptos de “corpo físico” e ”corpo dixital”.

Estruturada en módulos-impactos, a obra parte dunha localización concreta (site specific) para ir conformando un espazo escénico de seu a través da combinación das sensacións que transmiten o movemento do corpo, a proxección das imaxes transformadas a tempo real e a reelaboración, ao vivo, do espazo sonoro no que a obra foi concibida por parte de Voltage Opposites e que agora se escenifica para Espazos Sonoros.

Paula Quintas, coreografía e interpretación
Xoán-Xil López, creación sonora
Adriana Pazos Ottón, imaxe, localizacións vídeo e tratamento visual