Evento: Punto obxecto. Jessica Stockholder

A artista Rebeca Mariño propón un ciclo de talleres de experimentación artística dirixido a familias con nenos e nenas de idades comprendidas entre os 4 e os 9 anos. Un momento para descubrir, crear e gozar en familia arredor da arte contemporánea. Este primeiro ciclo, que terá lugar a terceira fin de semana de cada mes, terá como obxectivo a procura da cor máis alá da propia pintura.

Sábado 19, para familias con nenos e nenas de 4 a 6 anos
Domingo 20, para familias con nenos e nenas de 7 a 9 anos
Prazas: 10 nenos/as mais 2 acompañantes máximo 
O xeito no que Jessica Stockholder interpreta os obxectos é un selo distintivo da creación con asociacións que se mesturan entre o identificable e o abstracto. Ensamblando obxectos de diferente natureza e procedencia logra crear unha orde entre o aparentemente caótico e inconexo. Os obxectos esquecidos poden ter unha segunda vida. Rebuscarase entre os nosos vellos trastes para trocalos en creacións abstractas organizando e trazando as súas cores.