Evento: Visitas guiadas ao Parque Arqueolóxico da Cultura Castrexa Lansbrica

O Parque Arqueolóxico da Cultura Castrexa alberga un dos xacementos castrexos máis impoñentes do noroeste peninsular: o castro de San Cibrao de Las, o cal sorprende pola súa monumentalidade así como polo seu excelente estado de conservación. 

A visita guiada é de de aproximadamente 70 minutos de duración. Con ela percórrense o Castro de San Cibrao de Las acompañados e acompañadas de guías especializados, parando naqueles puntos de maior interese para a comprensión deste xacemento.

Horario de visitas:

TEMPADA BAIXA

• Do 1 de novembro ao 28 de febreiro, de 10:00 a 15:00 horas, de martes a domingo.
• O mes de outubro e do 1 de marzo ao 30 de xuño, de 10:00 a 18:00, de martes a domingo.
• O horario da billeteira remata 1 hora antes do peche do Parque.

TEMPADA ALTA

• Do 1 de xullo ao 30 de setembro, de 11:00 a 21:00 horas, de martes a domingo.
• O horario da billeteira remata 1 hora antes do peche do Parque.

DÍAS DE PECHE

• O Centro de Interpretación pecha todos os luns.
• Ademais, o Parque Arqueolóxico permanecerá pechado os días 1 de xaneiro, 24, 25 e 31 de decembro.

Consultade a axenda mensual ou o catálogo de ofertas e actividades do Parque.