Evento: Concerto do Grupo A Roda

O grupo A Roda nace como tal en 1977, pois xa houbo intentos anteriores. A Roda é un grupo de amigos, coñecidos, espontáneos, dun "eu pasaba por alí", que se reunían a cantar arredor dunha mesa redonda, metonimia da roda, e metáfora do que anos atrás, moitos anos atrás inventou o Rei Artur e os seus cabaleiros.
A taberna como xermolo primixenio, un lar con lume de gorxas férvidas, véxase a tasca da Viúva, a taberna do Eligio, e moitas outras pola zona de Vigo, era costume tomar unhas tazas, e cantar baixo os efectos narcóticos do líquido elemento.
Cantigas do pobo, populares, da oralidade, do imaxinario colectivo nunca antes recompiladas, gravadas, inéditas en sentido estrito, ata que certo día, e coma nun conto, unha produtora decidiu estampar, acuñar para a posteridade.

Actualmente o grupo está formados por Alfredo Dourado, Anxo Comesaña, David Cabaleiro, Juan Barcón e Manuel Dopico.