Evento: Curtas arquivo Hamaca 1

'Os límites do meu corpo son o horizonte' é un programa de proxección audiovisual experimental procedente do arquivo Hamaca. Comisariado por Isabel María, a selección reúne obras que exploran a relación entre corpo e paisaxe desde unha mirada contemporánea. A través do videoensaio, a performance e a docuficción, a paisaxe actívase como experiencia, memoria e construción cultural. Os corpos, en tránsito ou arraigamento, revelan identidades complexas e en transformación. Imaxe e son entrelázanse para percibir o territorio como corpo e o corpo como territorio, redefinindo as formas de habitalo.

Curtas nesta primeira proxección:

→ Los cavernícolas — Cande Lázaro (2024)
→ Manera 2 — Élan d’Orphium (2024)
→ Paraíso — Maddi Barber y Marina Lameiro (2021)
→ Desideria — Génesis Valenzuela (2019)
→ Na vibración da madeira — Lois Patiño (2011)