Evento: Santa Cristina in musica, un diálogo musical na Ribeira Sacra

Comeza a conta atrás para a quinta edición de Santa Cristina in musica, que este ano quere apoiar a candidatura da Ribeira Sacra a Patrimonio da Humanidade con músicas de raiz ibérica xa recoñecidas como tal pola UNESCO.

O sábado 19 de setembro ás 18.30h o guitarrista portugués Ricardo J.Martins presentará o programa “A voz da guitarra portuguesa”, un percorrido por temas tradicionais, arranxos e temas propios, nunha proposta que amosa a versatilidade do instrumento, alma da cultura do pais veciño.

Habitual dos escenarios portugueses e de medio mundo, Ricardo trae ao mosteiro de Santa Cristina ese son inconfundible e único.