Evento: Travesías e mitos

Orquestra Sinfónica de Galicia Roberto González Monjas, director Dmitri Shishkin, piano
Antonín Dvořák: Abertura Otello Camille Saint-Saëns: Concerto para piano núm. 5 en Fa maior, Op. 103, «Exipcio» Gustav Mahler: Blumine Antonín Dvořák: O trasgo da auga
A música de Dvořák constrúe un universo no que a emoción e a natureza conviven con forza narrativa. Na abertura Otello, o compositor afonda no lado máis escuro do amor, cunha atmosfera sombriza na que os celos erosionan progresivamente o discurso musical ata a súa disolución.
O trasgo da auga transforma unha lenda popular nun relato de intensa carga dramática, no que a tensión narrativa e o cromatismo orquestral sosteñen unha historia marcada pola angustia e a perda.
O Concerto para piano núm. 5 de Saint-Saëns, composto en Luxor, reflicte a fascinación do compositor polo mundo exipcio. Esta obra, escrita para ser interpretada polo propio autor, combina virtuosismo, brillantez e un refinado exotismo que percorre especialmente o seu segundo movemento.
Completa o programa Blumine de Gustav Mahler, unha páxina de extraordinaria delicadeza melódica que formou parte da súa Primeira Sinfonía antes de ser retirada polo propio compositor. Nela xa se intúe a dimensión lírica e espiritual que definirá o seu universo sinfónico.
XOV 29 ABR (15 €) Auditorio de Galicia, 20.00 h