Evento: Festa das Fogueiras de San Xoán

Se hai un lugar no que a Noite de San Xoán se vive entusiastamente ese é A Coruña, onde a noite máis curta do ano vai precedida de toda unha semana de actos preparativos. Desde a mañá anúnciase a festa con desfiles de bandas e carrozas de meigas para que a queima da fogueira volva ser un momento máxico e inigualable no calendario anual. O cheiro das sardiñas asadas e do lume envade a cidade a noite do 23 de xuño. Moita xente participa neste rito ancestral de culto ao lume co que se celebra a entrada do verán.

A fogueira máis concurrida é a que se ergue na praia de Riazor, coa figura dunha meiga de cartón pedra, arredor da que se satirizan acontecementos da vida política e social vividos ao longo do ano, antes de prenderlle lume. Ata este punto chegan en procesión as Meigas Maiores e as respetivas meigas de honras, que serán as encargadas de prender lume nas fogueiras, nun espetáculo que ateiga as praias de Riazor e do Orzán que aparecen sementadas de infinidade de fogueiras. Neste tempo hai quen tamén cumpre co rito do baño das nove olas.