Evento: Real Filharmonía de Galicia – (EN)FOCO #3 XACOBEO: Rufus Wainwright e RFG

A Real Filharmonía de Galicia recibe a un dos artistas máis singulares e influentes da música popular contemporánea. Rufus Wainwright presenta Want Symphonic, un proxecto que revisita os seus álbums Want One e Want Two vinte anos despois da súa publicación, transformando estas cancións emblemáticas nunha experiencia orquestral de gran formato.
Acompañado pola Real Filharmonía de Galicia baixo a dirección de Baldur Brönnimann e coa participación do batería Matt Johnson, Wainwright interpreta un repertorio que marcou unha xeración pola súa sofisticación compositiva, intensidade emocional e marcada personalidade artística. Os arranxos sinfónicos de Sally Herbert e Max Moston amplían a dimensión sonora destas cancións, potenciando a súa riqueza harmónica e o seu carácter teatral.
O resultado é un espectáculo único que combina a forza da música popular coa expresividade da gran orquestra, nun encontro excepcional cun dos creadores máis admirados e recoñecidos do noso tempo.