Evento: Real Filharmonía de Galicia – Entre dous tempos

A Real Filharmonía de Galicia propón neste concerto un percorrido sonoro entre memoria e creación contemporánea, onde distintas épocas dialogan a través de linguaxes musicais contrastadas. Baixo a dirección de Baldur Brönnimann e coa participación da óboe solista Iria Folgado, o programa articúlase como unha reflexión sobre a continuidade da tradición e a súa relectura desde o presente.
Caroline Shaw abre o concerto con Entre’acte, unha peza concibida como homenaxe a Haydn e ao seu Cuarteto núm. 2. Cunha escritura esencial e transparente, Shaw transforma fragmentos do pasado en materia viva, nun exercicio de relectura que sitúa a memoria no centro do discurso musical. Este diálogo continúa co Concerto para óboe en Re maior de Richard Strauss, escrito na súa última etapa creativa tras a Segunda Guerra Mundial. Nacido do encontro cun antigo soldado e músico, destaca pola súa claridade, lirismo e serenidade, converténdose nunha das grandes obras do repertorio para óboe do século XX. Pecha o programa a Sinfonía núm. 5 en Fa menor de Emilie Mayer, figura clave do Romanticismo alemán e durante moito tempo esquecida. A súa música, de forte impulso expresivo e sólida arquitectura formal, recupera hoxe o seu lugar no repertorio sinfónico europeo.
XOV 21 XAN (18 €) Auditorio de Galicia, 20.00 h CONVERSANDO CON… Baldur Brönnimann e Iria Folgado (Sala Mozart, 19.15 h)