Evento: Real Filharmonía de Galicia – Lembrando os clásicos

A Real Filharmonía de Galicia propón neste concerto unha viaxe polos grandes piares do repertorio sinfónico e concertante europeo, nun programa que revisita o canon clásico desde unha mirada historicista e interpretativa contemporánea. Baixo a dirección de Sergey Malov, que tamén actúa como solista de violín e violoncello da spalla, a formación explora diferentes formas de diálogo entre épocas, estilos e linguaxes musicais.
O programa abrangue a evolución da escritura orquestral desde a primeira etapa de Mozart, coa súa Sinfonía núm. 1 en Mi bemol maior, composta con só oito anos, ata a monumental Sinfonía núm. 41 “Xúpiter”, obra culminante do seu catálogo sinfónico. No centro do concerto, o Concerto para violín en Sol menor de Johann Sebastian Bach preséntase nunha reconstrución que recupera a intensidade lírica e estrutural dunha das páxinas máis inspiradas do compositor. Completa o programa o Concerto para violoncello en Re maior de Luigi Boccherini, interpretado con violoncello da spalla, que achega unha lectura máis próxima e áxil do discurso musical, chea de vitalidade e elegancia.
A cita terá lugar o xoves 3 de decembro ás 20:00 horas no Auditorio de Galicia. Inclúe conversa previa con Sergey Malov ás 19:15 horas na Sala Mozart. Entradas: 18 €.