Evento: Banda Municipal de Música de Santiago-Horizonte Tradi

A Praza da Quintana acolle “Horizonte Tradi”, un concerto da Banda Municipal de Santiago de Compostela dentro da temporada 2025/26 “Escoita, sinte e desfruta”, en colaboración co TRADFEST.
Dirixido por David Fiuza, o programa presenta unha proposta centrada na música tradicional galega desde unha perspectiva contemporánea e sinfónica, con arranxos de Pedro Lamas e a participación de destacados solistas de nova xeración.
María López (gaita e zanfona), Nuno Estévez (acordeón) e Ernesto Martínez (voz e frauta) achegan novas lecturas do repertorio folk galego nunha fusión entre tradición e orquestración bandística.