Evento: Banda Municipal de Música de Santiago-Amici Gallaeciae

A Praza das Praterías acolle “Amici Gallaeciae”, un concerto da Banda Municipal de Santiago de Compostela dentro da temporada 2025/26 “Escoita, sinte e desfruta”, en colaboración co Galaico Brass Festival.
Dirixido por David Fiuza, o concerto reunirá destacados solistas internacionais do mundo dos metais: Alfonso González Barquín, Bertold Stecher, Archilles Liarmakopoulos e Perry Hoogendijk, integrantes e colaboradores de formacións de referencia internacional como a Berliner Philharmoniker, a Royal Concertgebouw Orchestra, a Academia Nazionale Santa Cecilia de Roma ou Canadian Brass.
O programa incluirá obras de José Bugallo, Amilcare Ponchielli, Stephan Bulla, Jaime Henao, Ricardo Mollá, Arthur W. Pryor e Kenny Baker nunha proposta centrada no virtuosismo, a amizade e o diálogo musical.