Evento: Dahomey

No século XIX, imperialistas franceses tomaron miles de artefactos do antigo reino de Dahomey para a súa exposición en museos parisienses. Agora varios destes artefactos están a ser repatriados á actual Benin.

O filme segue ese proceso de repatriación co rigor do cinema directo, mentres filma estatuas dotadas dunha voz poética, ao estilo do mítico filme de Chris Marker e Alain Resnais Les statues meurent aussi (1963). Engadindo tamén treitos dramatizados e coa gravación dunha asemblea sobre como resignificar este patrimonio e sobre os retos da súa conservación e exposición no continente africano; a fita acaba por abordar de xeito poliédrico as complexidades desta restitución histórica.

Encontro previo con Rubén H. Bermúdez, autor de Y tú, ¿por qué eres negro?