Evento: Concerto Galego de Aninovo

O evento é unha simbiose da lingua e música galega coa tradición musical europea. Xunta os cantares galegos de Nadal, harmonizados para coro feminino, e a música de cámara de carácter centroeuropeo, asociada ao inicio do ano.

Celebraremos así o Aninovo cun repertorio principal de panxoliñas en galego, interpretadas polo Grupo Vocal EntrElas na primeira parte e, na segunda parte, o Trío Contrastes (Dominika Malec - violín, Ruslana Prokopenko - chelo, e Wladimir Rosinskij - viola con Dasha Rosinskij ao piano) interpretarán un repertorio camerístico, destacando unha obra do compositor galego, afincado en Nova York, Octavio Vázquez.