Evento: A Raia + Où est la jungle?

Proxección das curtas de Iván Castiñeiras A Raia e Où est la jungle?

A RAIA

Na fronteira entre Galicia e Portugal, Pepe e Fernando traballaron xuntos preto de vinte anos. Cando a fronteira deixou de existir, nunca máis volveron atoparse. Primeira peza dirixida polo camarógrafo galego Iván Castiñeiras, unha fermosa aproximación á raia presente en Doclisboa 2012 e L' Alternativa 2013.

OÙ EST LA JUNGLE?

Deolindo e Stevenson tentan atopar o seu lugar no medio da selva. Ao longo do seu camiño, seremos testemuñas da transformación dun territorio no que, a cada momento, o presente e o pasado se confunden, nunha loita que convida á reflexión entre a modernidade e a tradición. Cales son os segredos da selva? Onde están os seus límites?