Evento: 1982: unha crónica cultural

A segunda das sesións dedicada ao fondo videográfico de Espello Vídeo Cine centrarase na actividade cultural da cidade da Coruña en 1982. Proxectaranse as seguintes pezas:

- Festa da poesía no teatro Rosalía, abril de 1982.

- I concurso de rock, xullo de 1982 (precursor do Noroeste Pop Rock).

- Festival de cine de comedia, outubro de 1982.

Tras a proxección haberá un debate moderado polo xornalista Cándido Barral, voz en off e entrevistador en moitos traballos de Espello. Participan no mesmo Nonito Pereira Rey, especialista en música, quen formou parte do xurado dese primeiro concurso de rock; e a investigadora Mar de Santiago, autora da tese ‘A Coruña (1968-1983): a cara culta da cidade transicional’ (USC).