Evento: Visitas escolares

O obxectivo principal da área de educación do Museo é motivar o coñecemento e desfrute da arte coma unha experiencia, en busca do cumprimento dos fins educativos, de estudo e de recreo que o museo pon ao servizo da sociedade. Por iso, axústanse a linguaxe e os contidos da visita a través de múltiples ferramentas, talleres e propostas educativas.

Ofértase de novo, durante todo o curso escolar, e para os diversos niveis educativos, unha actividade educativa que parte das obras da exposición permanente nas salas do museo e das diversas mostras temporais incluídas na programación anual.

As reservas poden facerse dende o 8 de setembro. Toda a información, nesta ligazón do museo.