Evento: Arqueoloxía en Monodose

Nesta ocasión, dentro do ciclo "Arqueoloxía en monodose" que ven de organizar o Museo neste primeiro semestre do ano, José Suárez Otero será o relator a cargo de "Monte do Facho. Arqueoloxía dun “Mons Sacer”. Estado da cuestión".

O Facho é un xacemento complexo no que o simbólico, santuario do deus Berobreus con funcións rituais/culturais dende o Bronce Atlántico, destaca sobre os aspectos defensivos ou habitacionais, derivados dunha topografía que corresponde á Idade do Ferro.

Un posible mons sacer que fai excepcional deste monte un xacemento de grande interese arqueolóxico e antropolóxico.

José Suárez Otero e doutor (mención europea) en Arqueoloxía pola USC. Visiting Scholar Unversity na UCLA, Invited Researcher German Archaeological Institut, Membro correspondente do Deutsche Archäologisches Institut, premio de Investigación da Deputación de Pontevedra (1986), premio «Ignacio Cerviño» á recuperación do Patrimonio (2008), membro da Comisión Asesora de Patrimonio Histórico de Santiago de Compostela e membro do Grupo de Investigación de Análises do Territorio (ANTE) da USC. Tamén director das escavacións arqueolóxicas no Monte do Facho, Donón (Cangas).

A conferencia terá lugar no Centro Cultural Marcos Valcárcel, rúa do Progreso, 30. Ourense