Evento: Agamenón, volvín do supermercado e deille unha malleira ao meu fillo

O Salón Teatro acolle a estrea da Aula de Teatro da Universidade de Santiago de Compostela, que este ano representa Agamenón, volvín do supermercado e deille unha malleira ao meu fillo. Roberto Salgueiro é o responsable desta montaxe que adapta o texto de Rodrigo García, incluíndo algún outro escrito do mesmo autor. Na peza convive unha mestura de violencia e humor, que serve de retrato dunha sociedade afeita a recibir o golpe e aceptar a derrota, a asumila como algo propio do noso ser. Esta é unha obra que converte a risa nun xesto revirado e a gargallada nun corpo contraído.

Duración: 45 minutos

A entrada será gratuíta, previa recollida de localidades no despacho de billetes, aberto dúas horas antes do comezo da función.