Evento: Lémbrame, Spominaj na mnje

O Salón Teatro acolle a estrea desta peza de marionetas, dentro da carteleira do XXIX Festival Internacional de Galiquecres 2024. Este espectáculo teatral é unha coprodución entre o Centro Dramático Galego e o Deutsch-Sorbisches Volkstheater Bautzen e conta con artistas tanto galegos como alemáns e a intención e darlle valor a dúas linguas: o galego e o sorobio. Realizada no marco do proxecto europeo PHONE, Lémbrame, Spominaje na mnje está dirixida por Tim Heilmann e conta con dramaturxia dos galegos Alba Grande e Borja Insúa. A obra trata sobre un vello muiñeiro e o seu muíño, o avance do tempo ameaza con desprazar e acabar co oficio que foi transmitido de xeración en xeración. Cando a morte chega a súa porta, o muiñeiro escapa comezando así a gran persecución entre o muiñeiro e a morte.

Idades recomendadas: a partir de 10 anos
Duración: 45 minutos
Técnica: monicreque de mesa, obxecto, máscara e teatro
Idioma: galego e sorobio (sorbisch)

• Venda de entradas