Evento: Peza do mes: Cunca tipo Alpiarça. Castro de Castromao

  • Portada da publicación da Peza do Mes de xuño do Museo Arqueolóxico de Ourense
Peza do mes: Cunca tipo Alpiarça. Castro de Castromao
sábado, 1 xuño, 2024 a domingo, 30 xuño, 2024
Museo Arqueolóxico Provincial de Ourense,
Ourense

Peza do mes: Cunca tipo Alpiarça. Castro de Castromao

Presentación e publicación virtual mensual para afondar no coñecemento dos fondos do Museo Arqueolóxico Provincial de Ourense.

A presentación pública terá lugar o 12 de xuño ás 20:00 h, na sala de exposicións "Escolma de escultura", con entrada libre.

Como cada mes, o Museo escolle algunha peza de entre os seus fondos (neste caso, dos arqueolóxicos) para ser tratada de xeito pormenorizado e darlle maior visibilidade, afondando no seu contexto e características, datas, filiacións, etc., e reforzar así o seu valor. 

Son moitas as pezas que foron recuperadas no xacemento arqueolóxico de Castromao, ao longo de décadas de traballo, convertendo a capital dos Coelerni nun referente para o estudo da cultura castrexa do NO peninsular. O obxecto protagonista deste mes é unha cunca carenada, ademais moi singular, pois ata agora, a súa presenza en Galicia só se documenta na actual provincia de Ourense. Datada entre o Bronce Final e a Primeira Idade de Ferro, coñécese co nome de cerámica de Alpiarça debido á similitude desta con cerámicas atopadas en estacións arqueolóxicas do centro e sur de Portugal, recipientes caracterizados polas formas carenadas, superficies brunidas e a ausencia de decoración. As súas dimensións son 6,7 x13 x 0,6 cm., e forma parte dos fondos do Museo co nº de inventario CE005208/117.

Cabe destacar tamén que grazas á recuperación de varios fragmentos, foi posible unha reconstrución parcial coa gran labor do equipo de restauración do Museo Arqueolóxico de Ourense.

A publicación virtual sobre esta peza está dispoñible neste enlace do Museo Arqueolóxico de Ourense, onde se pode afondar sobre as súas características estilísticas e unha descrición pormenorizada, a reflexión sobre a súa nomenclatura ou o contexto arqueolóxico no que se levou a cabo o achado, nun estudio a cargo, neste caso, de Marta Martínez Parada.

Máis eventos de tipo Xornada/Congreso

Toponimízate 2024
22 de xuño
Museo Etnográfico da Limia
Toponimízate 2024
28 de xuño
Centro Cultural Casa de Pedra
Toponimízate 2024
5 de xullo
Casa da Cultura
Toponimízate 2024
30 de agosto
Salón de actos da Casa do Concello