Evento: Castelao

Castelao
domingo, 19 marzo, 2023 - 12:00
Auditorio Constante Liste,
Teo

Castelao

Obra de teatro sobre a figura do escritor galego

O FalaRedes 2023 ábrese cunha peza de Culturactiva Producións para público de 6 a 10 anos e as súas familias. A autora é Paula Carballeira, a directora Fina Calleja e as actrices Cris Collazo e Mónica Caamaño.

Trátase dunha montaxe de ritmo trepidante arredor da figura de Afonso Daniel Rodríguez Castelao. A tensión dramática desta peza cabalga sobre o lombo dunha persecución polas rúas de Rianxo nas horas previas á partida cara a Arxentina de Castelao e a súa nai. Para facer aínda máis atractiva a obra, os diálogos de ficción introducen elementos marabillosos combinados con elementos recoñecibles da obra de Castelao, cos que o elenco, a música e o deseño de iluminación xogan creando un espectáculo cheo de plasticidade, cor e ritmo. O humor, a intriga, a linguaxe accesible están presentes no espectáculo, que se dirixe aos espectadores e espectadoras desde unha posición de igualdade cos seguintes obxectivos:

  • Fomentar o consumo de produtos culturais en galego, especialmente do público familiar.
  • Pola súa temática e referencias históricas, fomentar o coñecemento dunha das figuras máis relevantes da cultura galega e en galego do século XX.
  • Proporcionar unha experiencia positiva, amena e satisfactoria ligada á lingua galega a quen asiste ao espectáculo.
  • Potenciar a mirada feminina nas montaxes teatrais, tanto desde o punto de vista da dramaturxia, como da dirección e do elenco.
  • Contribuír á normalización e difusión da lingua galega nas idades máis novas e no contexto familiar e cultural.

Máis eventos de tipo Espectáculo

10º Festival Cultural Convergências
3 de febreiro a 9 de marzo
Padrón, Ponteareas, A Estrada e Santiago de Compostela
Álex Clavero: A Nova Normalidade
1 de marzo
Auditorio Abanca - Preguntoiro
Álex Clavero: A Nova Normalidade
2 de marzo
Teatro Afundación Vigo
Álex Clavero: A Nova Normalidade
4 de marzo
Teatro Afundación Vigo