Equipamento: Museo de Belas Artes da Coruña
Museo de Belas Artes da Coruña
A colección do Museo de Belas Artes, que supera as 5.000 pezas, está centrada principalmente na pintura e escultura dos séculos XVI ao XX -prestando especial atención á arte galega-, gravado, cerámica e artes decorativas. Estes fondos proceden, na súa maioría, do Estado e do Museo do Prado. Tamén contribuíron outras institucións públicas e privadas e numerosos particulares.
O proxecto museístico estruturou a colección de forma cronolóxica nas oito salas, dedicando as dúas últimas ás distintas manifestacións da arte galega. Xunto á exposición permanente, o edificio conta cunha sala de exposicións temporais e o chamado foro, espazo de recepción dedicado á escultura galega contemporánea.
A actual sede foi deseñada polo arquitecto Manuel Gallego Jorreto. Sitúase no solar do antigo convento das monxas capuchinas, do que unicamente se conservou a fachada do século XVIII, obra de Fernando de Casas.
Titularidade e xestión
Estatal de xestión autonómica.
Tipoloxía dos fondos
Pluridisciplinar: Belas artes -pintura, escultura...-, artes aplicadas -cerámica-.
Servizos
- Laboratorio fotográfico
- Obradoiro de restauración
- Biblioteca
- Arquivo
- Tenda
Prezo da entrada
Réxime dos museos estatais xestionados pola Xunta.
Modo de visita
Libre / guiada
Actividades non permanentes
Exposicións temporais, cursos, conferencias, concertos, actividades infantís.
Espazos
- Superficie total, 5.776 metros cadrados
- Superficie de exposición, 1.578 / 336 metros cadrados -secuencia temática/cronolóxica na disposición das coleccións-
- Superficie de almacén, 239 metros cadrados
Datos de contacto
Dirección: Rúa Zalaeta, s/n – 15.002 A Coruña
Teléfono: 981 223 723
Fax: 981 223 769
e-mail: mu.belas.artes.coruna@xunta.es
Web: Museo de Belas Artes
Web: Museos de Galicia
Responsable: Ángeles Penas Truque
Directora
Martes a venres de 10:00 a 20:00 horas.
Sábados de 10:00 a 14:00 e de 16:30 a 20:00.
Domingos de 10:00 a 14:00 horas.