Dinamización: ENTROIDO DE CONTO
ENTROIDO DE CONTO
As bibliotecas celebran a festa con contacontos, obradoiros, xogos e exposicións
O Entroido chega ás bibliotecas. Se apurades, aínda chegaredes en tempo para elaborar as mellores máscaras e antefaces nos obradoiros que se programan nas bibliotecas públicas. Nas páxinas dos libros dos andeis atoparedes os personaxes máis inspiradores.
E non vos asustedes tampouco se nestes días de festa e trangallada se presenta de súpeto o meco, ou se nunha sesión de contos rematades coa feitura do personaxe principal.
E como non hai Entroido sen música, a Cidade da Cultura de Galicia súmase á celebración cun baile de carnaval onde se poderá gozar, de balde, dos mellores temas da historia do rock.
Consultade a Axenda de Cultura para participar neste Entroido de conto!
-
Non hai entroido sen música; Baile de Entroido no Gaiás
-
Soledad Felloza anima na súa sesión de contos a disfrazarse dos personaxes
-
O persoal das bibliotecas organiza exposicións bibliográficas sobre a festa
-
O meco tamén mandará nas bibliotecas estes días
