Dinamización: CALENDARIO DO LIBRO E DA LECTURA

CALENDARIO DO LIBRO E DA LECTURA

Celebra as principais datas de 2018!

No ano 2018 celébranse varias efemérides destacadas relacionadas co libro e coa lectura en Galicia e en galego, que se suman a unha serie de datas que xa están ben establecidas na axenda cultural. O Calendario do libro e da lectura 2018, deseñado pola ilustradora Nuria Díaz, contempla as principais citas deste ano, para animar o conxunto da cidadanía a conmemoralas.

Ler máis

Os días do Usuario/a das Bibliotecas, da Ilustración, da Lingua Materna, do Libro Infantil e Xuvenil, das Letras Galegas, das Librarías ou da Edición comparten protagonismo en 2018 con aniversarios de obras e de autores senlleiros das nosas letras.

O medio século da publicación de A galiña azul, de Carlos Casares, na véspera de Noiteboa; os 130 anos do nacemento de Otero Pedrayo, o día 5 de marzo; as sete décadas do célebre discurso “Alba de gloria”, pronunciado por Castelao o 25 de xullo de 1948 en Buenos Aires; ou os 90 anos do poemario de Manuel Antonio De catro a catro, que viu a luz o 27 de marzo de 1928, son algunhas das propostas.

Descúbreas todas no Calendario do libro e da lectura 2018!

  • Ilustración de Nuria Díaz para o calendario Ilustración de Nuria Díaz para o calendario
  • Portada de A galiña azul, de Carlos Casares Portada de A galiña azul, de Carlos Casares
  • Castelao | Imaxe: Emigracion.Xunta.gal Castelao | Imaxe: Emigracion.Xunta.gal
  • Portada de De catro a catro, de Manuel Antonio Portada de De catro a catro, de Manuel Antonio

Documentos relacionados