Aviso: Programa de visitas escolares ‘Os segredos do Salón Teatro’
Programa de visitas escolares ‘Os segredos do Salón Teatro’
Dirixido a colexios e institutos de toda Galicia
O Centro Dramático Galego (CDG) desenvolve esta actividade virtual e interactiva no marco da conmemoración do centenario da súa sede no casco histórico de Santiago. A actividade desenvolverase os mércores, cunha duración máxima estimada de 45 minutos.
O alumnado de Primaria e Secundaria ten a oportunidade de coñecer como funciona un espazo escénico por dentro, así como de achegarse á historia do teatro profesional galego e á evolución dos oficios teatrais.
Outro dos obxectivos deste programa é poñer en valor as numerosas profesións artísticas e técnicas que forman parte do ámbito teatral (dirección, interpretación, escenografía, iluminación, son, tremoia, rexedoría, vestiario, produción etc.), incidindo na necesidade de rachar cos roles e cos estereotipos de xénero.
As solicitudes para participar en Os segredos do Salón Teatro poden remitirse ao correo electrónico centro.dramatico.galego@xunta.gal.