Nova: A Xunta reitera o seu compromiso de colaboración coa candidatura ‘Cidade de Ferrol: Porto da Ilustración’ a Patrimonio Mundial da UNESCO

Ferrol, 29 de setembro de 2025

A delegada territorial da Xunta en Ferrol, Martina Aneiros, asistiu esta tarde no Concello á presentación dos avances da candidatura Cidade de Ferrol: Porto da Ilustración a Patrimonio Mundial onde reiterou unha vez máis o compromiso do Goberno Galego “para que este proxecto acade o máximo recoñecemento do organismo internacional”.

Aneiros puxo en valor o traballo desenvolvido ata o momento e volveu a apelar á importancia da colaboración de todas as administracións e institucións directamente involucradas como son a Xunta, o Concello e a Armada, baixo a coordinación dun dos máximo expertos en Patrimonio Mundial, Alfredo Conti, tamén presente no acto.