Nova: López Campos preside por primeira vez a Sesión Solemne da Academia Xacobea

Santiago de Compostela, 13 de xuño de 2025

O conselleiro de Cultura, Lingua e Xuventude, José López Campos, presidiu hoxe por primeira vez a Sesión Solemne da Academia Xacobea na que ingresaron tres académicos de honra e unha académica correspondente: José Antonio Ballestero Pascual, Benedict Buono, Luis Rodríguez Ennes e Reyes Martel Rodríguez.

O representante da Xunta destacou a importancia de “reforzar as filas da Academia para impulsar o estudo do fenómeno Xacobeo desde eidos como o xurídico, o académico ou o catedrático dos perfís de novo ingreso”.  López Campos destacou o valioso labor desta Academia “axudándonos a manter presentes os valores xacobeos que nos fan medrar como pobo e afianzar as raíces europeas de Galicia”.