Evento: O Apalpador

O Apalpador, tamén chamado Pandigueiro nas montañas de Ourense é un ser máxico do Nadal galego, fillo e neto de apalpadoras e apalpadores das serras do Courel, Ancares, Trevinca ou Manzaneda e ten o oficio de traer agasallos de madeira ás nenas e nenos no tempo do Nadal.

O Apalpador trae con el cantigas, contos e historias que axudan ás nenas e nenos a coñecer o noso patrimonio natural e coidar da natureza.

No salón de actos. Actividade dirixida a nenas e nenos de 3 a 8 anos. As persoas interesadas poden retirar a invitación no mostrador de Información da biblioteca dende 30 minutos antes do comezo da actividade.