Evento: Alasdair Fraser e Natalie Haas

O afamado violinista escocés Alasdair Fraser, ineludible referencia do folk celta facturado en Escocia estará acompañado pola violonchelista Natalie Haas no Auditorio Municipal de Cangas nun dos tres únicos concertos que ofrecerán este outono en España.

Alasdair Fraser e Natalie Haas presentan unha proposta de música celta en diálogos virtuosos e delicados entre violín e violoncelo. Desde o ano 2007, os dous músicos comparten escenarios en xiras por Europa e América. Xuntos son capaces de explorar ao mesmo tempo o son máis tradicional e os novos camiños da fusión entre os seus instrumentos, nunha proposta absolutamente exquisita. «O violoncelo foi sempre o corazón rítmico da música popular escocesa»-di Fraser-«e Natalie Haas é a compañeira perfecta: complementámonos, mergullámonos no territorio do outro, sentimos e vibramos xuntos. Liberamos o chelo da súa atadura orquestral, para deixar que o seu ritmo exprésese xunto á melodía do violín».