Evento: Marcelo Criminal

Marcelo Criminal é o nome artístico que leva usando anos Marcelo García (1997) para facer cancións pop no seu cuarto. En 2016 empezou a publicalas de forma auto editada, ata que a finais do ano 2018 Carolina Durante e Amaia (gañadora de Operación Triunfo), versionaron unha delas: Perdoa (Agora Si que Si). O éxito non foi inmediato só por xuntar a dúas figuras tan relevantes e antagónicas, senón porque a canción era, simplemente, marabillosa: un par de parrafos fixeron falta para partirnos o corazón e dar forma ao gran himno de (deas) amor desta xeración.

Repentino brote de añoranza e amor é o EP que Marcelo levaba preparando moito tempo: producido, como case sempre, por Álex López, neste traballo o son vólvese máis distorsionado e as guitarras toman máis protagonismo. Unha colección de cancións marabillosa, cunhas letras máis desesperadas e dramáticas que habitualmente, pero que manteñen o estoicismo do que está afeito ao fracaso. Estamos ante a confirmación desta sorte de cantautor de habitación, ou o noso Daniel Johnston particular, que foi reivindicado polas figuras máis dispares da nosa música (desde o underground ao mainstream).