Evento: Cine na rúa- Los Japón

En 1614 unha expedición xaponesa encabezada polo neto do emperador desembarcou no pobo sevillano de Coria del Río, e o herdeiro ao trono namorouse dunha bela sevillana, formou unha familia e nunca regresou a Xapón. 400 anos despois, o Emperador Satohito morre e o herdeiro lexítimo resulta ser Paco Xapón, veciño de 37 anos de Coria del Río. A vida de Paco e da súa familia cambiará drasticamente ao verse da noite para a mañá vivindo no Palacio Imperial e preparándose para ser os novos Emperadores de Xapón. O choque cultural e lingüístico entre xaponeses e andaluces provocará situacións cómicas e disparatadas nesta aventura onde Oriente e Occidente danse a man.