Evento: Mimosas

A Secretaría Xeral de Política Lingüística, en colaboración coa Secretaría Xeral de Cultura e coa Axencia Galega das Industrias Culturais (Agadic), pon en marcha a terceira edición do programa de dinamización lingüística Redecinema.

Segunda longametraxe do director galego Oliver Laxe, coproducida pola produtora coruñesa Zeitun Films, La Prod (Marrocos) e Rouge International (Francia). Foi a segunda vez que unha película de Laxe competiu no Festival de Cannes. A rodaxe do filme tivo lugar en Marrocos en diferentes localizacións.

Resumo:
Relata a historia de Ahme, Said e Shakib na súa loita por atopar un camiño a Sijilmasa, lugar ao que deben chegar tras o encargo de darlle sepultura alí ao corpo dun honorable mestre sufí.