Evento: Ciclo Intermodal 2027 · Mariza

Mariza chega a Santiago cunha traxectoria de máis de 20 anos e consolidada como unha das grandes voces da música portuguesa e unha das principais embaixadoras do fado a nivel internacional.
Desde os seus inicios en Lisboa ata os grandes escenarios internacionais, a artista construíu unha carreira marcada pola súa extraordinaria voz, numerosos recoñecementos e unha maneira persoal de renovar o fado sen perder a súa esencia.
O seu repertorio combina o fado clásico e contemporáneo con outras tradicións e estilos, desde as mornas caboverdianas ata o Rhythm & Blues, nunha viaxe musical que mantén sempre presente a identidade da artista.