Evento: Gabriel Fandi

Gabriel Fandi chega a Santiago de Compostela coa súa xira 2026–2027, un espectáculo especialmente deseñado para teatros e auditorios no que repasa a súa traxectoria musical a través dunha selección das súas cancións máis recoñecibles.
Compositor das súas propias cancións e autor para outros artistas, Fandi conta con máis de 35 temas propios. Durante o concerto soarán cancións como “Mi Luna”, “Tomás”, “Lo Mismo” ou “7 Vidas”, xunto a éxitos en galego como “Vaivén”, recoñecida como Canción do Verán pola Televisión de Galicia en 2024.
Durante aproximadamente 90 minutos, estará acompañado por seis músicos e unha escenografía creada especialmente para a xira. O formato permitirá tamén momentos máis íntimos a piano e voz, así como a participación de artistas convidados en cada cidade.