Evento: Banda Municipal de Música de Santiago- Dende as raíces

A Praza das Praterías acolle “Dende as raíces”, un concerto da Banda Municipal de Santiago de Compostela dentro da temporada 2025/26 “Escoita, sinte e desfruta”.
Dirixido por Casiano Mouriño, subdirector da formación, o programa explora a conexión entre a música popular e a creación sinfónica a través dun repertorio inspirado nas tradicións e danzas de distintos lugares do mundo.
O concerto incluirá obras de Dmitri Shostakovich, Pablo Luna, José Serrano, Bill Whelan e Alfred Reed, combinando folclore, zarzuela e música contemporánea nunha proposta que reivindica as raíces culturais desde a linguaxe da banda.