Evento: Contando cadros

A Biblioteca Pública de Santiago Ánxel Casal acolle a mostra bibliográfica Contando cadros, unha proposta dirixida ao público infantil que pon o foco na importancia da educación artística e na súa influencia no desenvolvemento creativo, comunicativo e emocional das crianzas. A través dunha selección de contos, a exposición achega a arte e as e os pintores como protagonistas, favorecendo a aprendizaxe da historia das expresións artísticas desde a Antigüidade ata a actualidade e promovendo a creación dun criterio propio, a concentración e o uso dos sentidos.
A mostra pode visitarse na sala infantil da biblioteca do 4 de maio ao 30 de xuño de 2026, no horario de apertura do centro.