Evento: As cidades agochadas
As cidades agochadas
As cidades agochadas é unha obra do grupo de teatro Maricastaña da aula de Teatro Universitaria do campus de Ourense. Trátase dunha peza que asegura ser un espectáculo performativo, baseado no movemento e na creación actoral de espazos imaxinados. A obra está dirixida por Fernando Dacosta e inspirada na obra As cidades invisibles de Italo Calvino.
O elenco da obra está formado por Gonzalo Otero, Eva Garcia, Tatiana Gonzalez, Marcos Lamba, Marisol Amoeiro, Conchi Gonzalez, Lola Fernandez, Carmen Blanco, Miguel Estevez, Iria Losada, Iven Iglesias, Candela Opeixe e Nataia Feijoo.
O emperador quere saber como son as cidades do seu imperio. A viaxeira cóntalle. Dese conto xorden cidades da memoria, do desexo, da morte, do poder e as escondidas. Todas elas entrelázanse con ritmo, poesía, miseria, desexo, invisibilidades, intercambios, humor...
