Evento: Orisel Gaspar e Pedro Román Company

Nós O contedor presenta Paren o tren, unha proposta musical de Orisel Gaspar e Pedro Román nacida en 2020 como resultado da confluencia do caudal e a capacidade creativa de dous artistas de madura e longa traxectoria. A cita é o sábado 25 de febreiro ás 9 pm, no Café Uf Negra Sombra, espazo de referencia en Vigo, entre os máis activos da cidade, cunha variada oferta cultural.

Nós o Contedor é unha factoría de arte concibida por ambos os artistas cuxo obxectivo é crear e desenvolver proxectos de autoría propia dentro do ámbito musical, teatral, audiovisual, pictórico, poético. Paren o tren preséntase como un repaso de sentimentos e experiencias, cancións propias que dialogan, pregúntanse e contéstanse unhas a outras. Nelas fúndense dúas voces que desde a esperanza, o amor, a dor, a alegría, o sarcasmo, a honestidade, falan dun tempo xa vivido e deste que lles toca vivir.