Axudas, subvencións e bolsas : Listaxes provisionais das axudas a centros museísticos correspondentes á convocatoria de 2026

Publícanse as listaxes provisionais de entidades admitidas e excluídas, por non reuniren todos os requisitos, así como da puntuación acadada, correspondentes á Orde do 5 de decembro de 2025, pola que rexerán as axudas destinadas a centros museísticos da Comunidade Autónoma de Galicia e se procede á súa convocatoria para o ano 2026. Código de procedemento CT110C ( DOG nº9 do 15 de xaneiro de 2026).

Tal e como establece o artigo 14.2 da Orde reguladora, as entidades disporán dun prazo de dez días para formular alegacións ás listaxes provisionais. O prazo comezará a contar a partir do día seguinte ao da publicación e finalizará o 20 de abril. Estas alegacións dirixiranse á Subdirección Xeral de Arquivos e Centros Museísticos.