Evento: Pescando xenes: conferencia de Ángel Carracedo

Ángel Carracedo, un dos científicos galegos de maior proxección internacional, é catedrático de Medicina Legal da Universidade de Santiago de Compostela, director da Fundación Pública Galega de Medicina Xenómica e do nodo principal do Centro Nacional de Xenotipado. Foi un gran impulsor da xenómica clínica e un pioneiro na aplicación das análises xenéticas en medicina forense.

Como referente internacional en xenética forense, xenómica comparada e neuroxenética, recibiu diversos galardóns, entre os que destacan o Premio Nacional de Xenética 2015 na categoría Investigación en aplicacións da Xenética, o Premio Rei Jaime I ou a Medalla Galien.  A conferencia Pescando xenes está enmarcada dentro das actividades da celebración do mes de novembro como Mes da ciencia en galego nas bibliotecas. O Dr. Carracedo é o autor do Manifesto do ano pasado. Coñecido investigador e divulgador científico, Ángel Carracedo ten colaborado coas bibliotecas, tanto públicas como escolares, na difusión dos valores científicos e do acceso ao coñecemento.