Evento: Visita guiada polo mosteiro de Oseira

O obradoiro de achegamento á música antiga de Espazos Sonoros escolle desta volta un espazo de grande interese como é o antigo refectorio do mosteiro de Oseira, unha dependencia que data do século XVI e que foi reconstruída hai algunhas décadas ao quedar arruinada durante o proceso de abandono que sufriu o
mosteiro logo da desamortización, no século XIX.

Caracterizada pola súa bóveda de crucería, a sala está situada nunha zona habitualmente non visitable do mosteiro, con vistas ao solario, e á que se accede
por unha impresionante escaleira abacial. Ademais da posibilidade de contemplar estes espazos, para as persoas que asistan ao obradoiro está previsto un percorrido polo mosteiro no que teñen a oportunidade de visitar, ademais, a igrexa, os claustros, a botica ou a antiga sala capitular, xunto con outras dependencias do conxunto monacal.

Hora da visita: 15.30 h
Inscrición: só para as persoas participantes no obradoiro de achegamento á música antiga