A programación de espazos na rúa para lle dar visibilidade ao libro e para favorecer un achegamento doado á produción editorial galega é unha das liñas de actuación permanente desenvolvida pola Secretaría Xeral de Cultura, en colaboración coa Federación de Librarías de Galicia.

As Feiras do libro de Galicia celébranse cada ano en diversas vilas e cidades galegas, nos meses de primavera e verán, con postos de venda de exemplares xestionados polos libreiros, que se completa cunha extensa programación de actividades paralelas, como charlas, encontros con autores, espectáculos infantís, presentacións de libros etc., que fan destes eventos unha cita de alto interese cultural.

FEIRAS DO LIBRO DE GALICIA 2017

Verín: do 31 de marzo ao 2 de abril

Ferrol: do 19 ao 23 de abril

Santiago de Compostela: do 29 de abril ao 7 de maio

Lugo: do 16 ao 21 de maio

Ourense: do 31 de maio ao 4 de xuño

Redondela: do 8 e o 11 de xuño

Ribeira: do 22 ao 25 de xuño

Vigo: do 29 de xuño ao 8 de xullo

Ponteareas: do 27 ao 30 de xullo

A Coruña: do 1 ao 10 de agosto

Viveiro: do 13 ao 16 de agosto

Foz: do 17 ao 20 de agosto

Monforte: do 23 ao 26 de agosto