Evento: Coro Infantil e Coro Xoven da Orquestra Sinfónica de Galicia

CORO INFANTIL
O Coro infantil da OSG fixo a súa presentación musical, a principios do ano 2000, interpretando a Sinfonía nº 3 de Gustav Mahler á beira da súa Orquestra e baixo a dirección de Víctor Pablo.
Desde entón actuaron en varias ocasións coa Orquestra Sinfónica de Galicia, interpretando obras de Mahler (cabe destacar, sobre todo, a súa exitosa participación na VIII sinfonía), Orff, Shostakovich, Fauré e en óperas como Werther e Turandot e colaborando, entre outros, con Emilio Aragón. Tamén ofreceron concertos a capella na Coruña e en diversas localidades da comunidade galega, así como no Auditorio de León.

CORO NOVO
O Coro Xoven da Orquestra Sinfónica de Galicia, presentado ao público en xuño de 2005 na Coruña, supón a posta en marcha do último dos proxectos vocais de Son Futuro, tras a consolidación do Coro e dos Nenos Cantores da OSG.

Desde entón participou en varios proxectos coa Sinfónica de Galicia, entre os que destacan Carmina Burana de Orff, A tabernera do porto de Sorozábal, a estrea de Troula de Juan Durán ou a Sinfonía nº2 de Mahler. En varias ocasións o coro foi convidado ao Mesías Participativo da Caixa.