Evento: A biblioteca social | 3ª Xornada de bibliotecas públicas de Galicia
A biblioteca social | 3ª Xornada de bibliotecas públicas de Galicia
A III Xornada de bibliotecas públicas de Galicia pon o foco na función integradora das bibliotecas e na súa capacidade para estimular a cohesión social, facilitando a participación cidadá e a solidariedade.
Promovido pola Secretaría Xeral de Cultura da Xunta de Galicia, o encontro celebrarase o luns 25 de outubro no Auditorio Neira Vilas e está especialmente dirixido ao persoal traballador da Rede de bibliotecas Públicas de Galicia.
Á procura de novas ferramentas e perspectivas para a consolidación das bibliotecas como espazos abertos e participativos, de inclusión e integración, e de relación interxeracional, a xornada procura congregar á comunidade bibliotecaria galega nun foro de diálogo cara a revelación e formulación de novas propostas arredor destas grandes temáticas.
Máis eventos de tipo Xornada/Congreso