Evento: Pequefilmes 2021: The Little Hedgehog
Pequefilmes 2021: The Little Hedgehog
É unha historia sobre un ourizo que non ten púas, pero trata de encaixar entre outros ourizos normais. Esta animación tenta describir o que é ter unha personalidade moi sensible. Quero que as persoas que tedes unha personalidade sensible saibades que hai persoas no mundo como vós e que non estades sós.
Este ano por primeira vez, o festival poderá verse tamén a través da rede, accedendo ás diferentes sesións a través da plataforma tv. Festhome. Para facelo, simplemente deberás crear o teu usuario e contrasinal e comprar a entrada para a sesión que prefiras, ou o abono para o festival completo, a un prezo reducido. O programa de Pequefilmes 2021 ofrece unha emocionante e amplísima antoloxía das mellores producións internacionais actuais para a cativada, todas elas estreadas nos dous últimos anos e moitas premiadas ou seleccionadas nos festivais de cinema infantil, xuvenil e de animación máis importantes do mundo (como Annecy, Clermont- Ferrand, Chicago ICFF, Animamundi, Animafest ou Dresdner Kinderfilfest). Recolle o máis destacado da produción internacional actual dedicada ao público infantil e xuvenil, consolidándose como unha oportunidade para ver pezas audiovisuais de gran calidade que adoitan quedar fóra dos circuítos de exhibición máis convencionais. A continuación podes ver o programa das oito sesións que compoñen esta quinta edición do festival, e comprar entrada para a que prefiras.
Máis eventos de tipo Proxección audiovisual